About

लोककथा ऐकणे म्हणजे टाइममशीन वापरून गतकाळात जाण्यासारखे आहे. कथा ऐकायला सगळ्यांनाच आवडते. आपल्या आवडत्या प्रदेशाबद्दल अशा कथा ऐकणं म्हणजे पर्वणीच. कोकण – आपल्या सगळ्यांचं प्रेम! सातासमुद्रापलीकडून आलेला एक इंग्रज प्रशासकीय अधिकारीसुद्धा आपल्या कोकणच्या प्रेमात पडला. आपली मराठी भाषा शिकला आणि इथल्या लोककथा त्याच्या राज्यातल्या लोकांना वाचता याव्या म्हणून त्याने त्याच्या भाषेत लिहिल्या. त्याचा हा अनुवाद! यांत प्राचीन अर्वाचीन काळाचे संदर्भ येतात आणि कथा रंजक होत जाते.

जुनी इंग्रजी आणि कथा सविस्तर सांगण्याची क्रॉफर्डची शैली आणि आपल्याच मातीतल्या कथा असे वेगळेच रसायन अनुवादक म्हणून अनुभवायला मिळाले. कोकणभूमी, गुप्त खजिना, सागरी लढाया, कोकणातले किल्ले आणि क्रॉफर्डचे काही अनुभव आपल्याला कोकणाकडे बघण्याची नवीन दृष्टी देतील. आपल्याला फारसा माहित नसलेला हा इतिहास एका इंग्रजांच्या चष्म्यातून!

चला , वाचू या – “कोकणच्या आख्यायिका”!

नीलिमा देशपांडे
लेखक – अनुवादक